हङकङका नेपाली फुटबल खेलाडीहरु यस खेलको अवस्थालाई माथि उकास्नका साथै युवाहरुमा फुटबल खेलको क्रेज बढाउँन उद्देश्य लिई विभिन्न फुटबल क्लवहरुको स्थापना गरी सयिक्रताकासाथ लागि परेका छन् । तीनै क्लबहरु मध्येको चुम्लुङ फुटबल क्लवका फुटबलर केम लिम्बू नेपाली फुटबलरहरुमा चर्चित खेलाडी हुन् । प्राय जसो जोर्डनको कुनचुङ मिनि सकर पिचमा उनलाई भेट्न सकिन्छ ।

स्थानीय फुटबलरहरुमा अग्रपंक्तिमा खेल्ने दक्ष खेलाडीको रुपमा परिचित उनी सन् १९९७ सालमा हङकङ आएका खेलाडी केम लिम्बू सानै उमेरदेखि नै फुटबलमा लागेका थिए । उमेरले २७ वर्षपुगेको बताउँने उनी मसिनवहादुर लिम्बू र नरकुमारी लिम्बूका ४ छोराहरुमा माइला छोरा नेपालको चर्चित फुटबल प्रतियोगिताहरुमा समेत नेपाली ब्यावसायिक फुटबल खेलको अनुभव संगालेका थिए । हङकङको एकदशकको फुटबल यात्रामा सबैभन्दा अनुभवी खेलाडी मानिने उनले धरान फुटबल क्लव हङकङ, डायमण्ड फुटबल क्लव, मोरङ फुटबल क्लवजस्ता स्थानीय फुटबल क्लवहरुमा सहभागी भएका उनले पछिल्लो समयमा आएर चुम्लुङ फुटबल क्लवबाट आफ्नो फुटबल कला प्रस्तुत गरिरहेका छन् ।

मोरङ जिल्लाको बिराटचोक स्थायी घर भएका केम लिम्बूले बाल्यकालका सम्पूर्ण समय सोही आसापासमा क्षेत्रहरुमा आयोजना भएका फुटबल खेलहरुबाट अनुभव संगालेका थिए यद्यपी फुटबल खेलको गुणात्मक सीप विकासमा भने हङकङमा आयोजना भएका साना-ठूला अधिकांश फुटबल प्रतियोगिताहरुबाट हासिल गरेका थिए । फुटबलमा लागेर भविष्य बनाउँने अभिलाषा बोकेका उनले फुटबलबाट जीवन चलाउँन नसकेता पनि यसबाट प्रशस्त आत्मासंतुष्टीहरु बटुली रहेका छन् । हङकङको कार्यव्यस्ततामा पनि यहाँका नेपाली युवाहरुमा आफूमा भएको सीपलाई बिनियम गरिरहेका छन् ।

सुकुना माध्यमिक विद्यालयमा माध्यमिक तहसम्मको अध्ययान गरी हङकङ आएका उनी गाउँमा आयोजना भएका फुटबल खेलहरुमा सुकुना फुटबल क्लवमा आवद्ध भई फुटबल खेलमा प्रवेश गरेका थिए । विगत १० वर्षता नियमित अभ्यासरत् खेलाडी केम लिम्बू नेपाली राष्ट्रिय स्तरमा नाम, दाम कमाएका खेलाडीहरु संगै मोरङ - ११ एवं सम्राट स्पोटिङ क्लव बिराटनगरबाट नेपाल तथा भारतमा आयोजना भएका विभिन्न गोल्डकपहरुमा सहभागी भई उत्कृष्ट खेल प्रदर्शन गरेका थिए । बुढासुब्बा गोल्डकप, निराजन गोल्डकप, खोर्साने गोल्डकप जस्ता ए डिभिजन प्रतियोगिताहरुमा समेत सहभागी हुने अवसर पाएका थिए ।

नेपाली खेलाडीहरुको सक्रियतामा हङकङमा समेत बी डिभिजन स्तरसम्म खेल्ने मौका पाएका उनले हप्ताको तीन दिन नियमित अभ्यास गर्ने गर्छन् । हङकङमा आयोजना भइरहेका फुटबल प्रतियोगिताहरुबाट हौसिएका उनी नेपाली फुटबलरहरुको भविष्य सुन्दर देखेका छन् । प्रतियोगिता आयोजना भइरहनु पर्छ भन्ने चाहना लिएका उनी जुनियर खेलाडीहरुले चाइनिज लिगहरुमा सहभागीता जनाइरहेका कारण कुनै दिन स्थानीय फुटबलको मुलधारमा उल्लेख्य प्रगति हुन आशा लिएका छन् ।

विगत ३ वर्षता किरात याक्थुङ चुम्लुङको फुटबल टिम 'चुम्लुङ फुटबल क्लव' मा स्टाइगरका रुपमा खेल कौशल देखाइरहेका केम लिम्बूका बारेमा धरान फुटबल क्लवका खेलाडी एवं कोषाध्यक्ष राजु र्राईले उनको प्रशंसा गर्दै अगाडि भने -"खेल कौशल राम्रो छ । केम हङकङका नेपाली समुदायमा सक्रिय खेलाडीहरुको अग्रपंक्तिमा पर्छन् ।" उता अर्का खेलाडी कृष्ण लिम्बू केमका बारेमा भने -"हङकङ ए ग्रेडको स्टाइगर हो । हङकङको नेपाली फुटबलमा उनको योगदान धेरै छ । उनको विपक्षी बनेर धेरै पटक संगै फुटबल खेल्ने मौका पाएको छु । उनको दुबै खुट्टा चल्ने भएकाले हामी डिफेन्सहरुलाई समस्यामा पार्ने गर्छन् ।" केमकै बारेमा जीभीएल फुटबल टिमबाट फुटबल खेली रहेका प्रकाश मगरले पनि केम लिम्बू हङकङमा प्रशंसा गर्न लायक खेलाडी रहेको बताएका थिए ।

यसैवर्षो अन्तिम हप्तामा कउलुन पार्कमा आयोजना हुन लागि रहेको बुढासुब्बा गोल्डकपको दोश्रो संस्करणकालागि आफ्नो क्लव तयारी गरी रहेको केम लिम्बू बताउँछन् । कुलतमा नलागौँ आफूमा भएको खेलकुद सीपहरु विकास गरौं भन्ने संदेश युवा पुस्तालाई दिन चाहने केम लिम्बू लागुपदार्थका सिकार भइरहेका युवाहरुलाई खेलकुदमा लाग्न आग्रह गर्दै केम लिम्बू भन्छन् "फुटबल खेलमा समय दिएमा यसले नयाँ जीवन दिन सक्छ ।"